Почнаа градежните работи за рехабилитација на патот Гевгелија-Богданци-Фурка. Министерот за транспорт и врски Горан Сугарески денес објави дека со 1,5 милиони евра почна да се работи на ова делница. Како што не информираше градоначалникот на Богданци Блажо Шапов на ова делница од должина од 15.8 километри ќе се работи етапно. Во моментов екипите работат од Гевгелија до Понов мост. Потоа ќе се работи од излезот на Богданци до раскрсницата на патот кон Дојран и Валандово а во третата фаза од Фурка до Дедели.
,,За патот од Понов мост до Богданци и обиколницата во моментов се прави проектната документација. На овој потег се планира целосна реконструкција на патот ,, ни изјави градоначалникот на Богданци Блажо Шапов
Овој патен правец е предвиден во ЛОТ 4 од тендерот за рехабилитација на регионални патишта за што се обезбедени средства од Светска банка. Со реконструкцијата и рехабилитацијата на овој патен правец се очекува истиот да биде побезбеден. Во мегувреме општина Богданци во понеделник во ЈОУ Дом на Културата со почеток во 20 часот оргнаизира јавна расправа за дологорочно задолжување на општината за изграба на мост на реката Луда Мара од Богданци кон Стојаково
,,Предмет на задолжување е за изградба на нов мост преку река Луда Мара, итноста за реализација на овој проект е заради рехабилитација на регионалниот пат Гевгелија-Богданци-Фурка дел од регионалниот пат 1109. Заинтересираните страни во општина Богданци ќе имаат можност да дадат придонес во определувањето на приоритетите за идна реализација согласно условите за задолжување пропишани од проектот,, стои на веб страната на општината кој ги повикува сите заинтересирани да земат учество во јавната расправа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
