Од денеска 2 па се до 10 февруари граѓаните од населените места во Општина Струмица кои имаат штети од поплава од поројниот дожд и излевање на реките од нивните речни корита од 26 и 27 јануари може да поднесат Барања за проценка на штетите. Барањата може да се подигне во соба број 7 во Општината или да се симне од ВЕБ страната на општината. Со Барањето до комисијата за процена и утврдување на висина на штетата, лицата ќе треба да достават:
– Имотен лист на име на Барателот (не постар од 6 месеци), Договор за закуп (доколку постои право на закуп) или Решение за оставинска постапка.
– Изјава заверена на Нотар дека објектот, имотот, односно оштетеното не се осигурани во осигурителна компанија.
– Копија од лична карта и трансакциска сметка од Барателот.
– Оштетено/уништеното – ако е објект мора да го има запишано во Имотен лист, ако е земјоделско земјиште во Имотен лист мора да е запишано како нива, ако станува збор за овоштарник во Имотен лист треба да е запишано како овоштарник. Во спротивно барањето нема да се разгледува, односно нема да се изврши проценка на штета.
Комисијата ќе постапи по поднесените Барања согласно законските прописи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
