Екипи на фирмата Линк Медија Плус од Скопје денеска почнаа со монтажа на елементите со кои Струмица треба да блесне во Новогодишно руво. Екипи на оваа фирма ги поставуваа светлосните елементи на булеварите „Ленинова“ и „Маршал Тито“, се опшиваа канделабрите на плоштадот а почна и монтажата на Новогодишната елка која треба да биде висока од околу 20 метри
Како што стои во Договорот меѓу ЈП Паркиралишта и Линк Медија Плус од Скопје вреден 8 милиони и 467 илјади денари со ДДВ или околу 137 илјади евра, ќе се украсува на вкупно 16 локации во градот на кои треба да бидат поставени околу 500 светлосни фигури, половина километар светлосно небо но и вкупно пет елки.
Сите овие светлосни фигури, лед сијалици, светлосни мрежи, мразулци, 3D фигурни, светлосни портали, тунели, дрвца треба да бидат поставени вдолж булеварите Ленинова , Маршал Тито и Гоце Делчев, централното градско подрачје, улиците 24 ти Октомври, Младинска, Сандо Масев.
Скопската Линк Медија Плус е фирма која веќе неколку години ја уредува Струмица во новогодишно руво. Последните две години јавната набавка оди преку ЈП Паркиралишта. Лани за оваа услуга беше склучен договор од 65 илјади евра. Фирмата е должна до 25 ти јануари идната година да ги демонтира поставените светлосни фигури и елементи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
