Почната е исплатата на парични средства за јануари, февруари и март 2020 година, согласно Законот за враќање на дел од ДДВ кај физичките лица. Како што информираат од УЈП, во ова прво тримесечје од годината скенирани се 49.946.278 фискални сметки, направен е промет во износ 21.957.355.689 денари со вкупен ДДВ од 2.292.026.352 денари.
Вкупниот број регистрирани корисници до 31 март 2020 година на апликацијата „Мој ДДВ“ е 279.498. Повратот за ова тримесечје изнесува 343.803.953 денари, односно 5.590.000 евра. За донирање на својот поврат за овој квартал се изјасниле 8 700 граѓани.
Исплатата се врши во неколку етапи и ќе заврши согласно законскиот рок, односно во рок од 60 дена по истекот на календарското тримесечје во кое е издадена фискалната сметка. Управата за јавни приходи апелира до граѓаните да ги проверат своите трансакциски сметки и доколку има грешки во нив, да ги коригираат со цел навремена и ефикасна исплата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
