Започна изградбата на затворениот базен во Струмица кој ќе се наоѓа веднаш до во пам патеката во близина на АТШ Берово во во спортско-рекреативниот дел на градот. Станува збор за инвестиција од 50 милиони денари или 821 илјада евра. Базенот ќе го гради фирмата Битем ДООЕЛ од Скопје а според склучениот договор тој треба да биде готов во рок од две години. Градоначалникот Костадин Костадинов и директорот на Агенцијата за млади и спорт, Наумче Мојсовски, денеска беа на увид на почетните градежни активности. Според градоначалникот Костадинов, овој проект е баран од граѓаните .
,,Овој затворен базен, прво значи нова содржина за сите категории на граѓани и за најмладите и за повозрасните. Второ, значи заокружување на сериозен комплекс, овде ни остануваат уште двете одбојкарски игралишта, едното бетонирано, другото на песок, со што заокружуваме еден отворен блок со можност за секакви спортски содржини во градот. Но, значи раздвижување и поместување на паркот, затоа што граѓаните природно кога движат низ најголемата зелена површина – градскиот парк, има многу убава конекција со пам патеката, со затворениот базен и новите одбојкарски игралишта коишто ќе се реализираат, а нормално значи и разубавување на комплексот Нова Струмица којшто ни е еден од најголемите генератори на приходи на Општината,, рече Костадинов.
Според директорот на Агенцијата за млади и спорт, Наумче Мојсовски, изградбата чини околу 50 милиони денари, а базенот се очекува да биде изграден во наредните 24 месеци. Оваа недела како што потенцираше Мојсовски треба да почне изградбата на базенот и во Кавадарци а на почетокот од идниот месец и во скопската општина Карпош.
,, По отварањето на повеќе спортски објекти во овој дел на Струмица, со изградбата на базенот, така да речам, ставаме шлаг на тортата, од кој најмногу корист ќе имаат децата и учениците и сите останати кои сакаат да спортуваат и пливаат. Голема благодарност до Општина Струмица која подготви брзи решенија за градбата и се надевам дека овој ќе биде еден од најбрзо направените базени,, рече Мојсовски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
