Официјално почна изборната кампања за претстојните претседателски избори за кои гласањето ќе се одржи на 24 април. Седум кандидати ќе бидат на гласачкото ливче. Кампањата ќе трае 20 дена, односно до 24 часот на 22 април.
Под реден број 1 ќе биде кандидатот на СДСМ, Стево Пендаровски, на второт место е Гордана Сиљановска Давкова, кандидатка на ВМРО-ДПМНЕ, Билјана Ванковска, кандидатката на Левица е на редното место број 3, на четвртото е Арбен Таравари од коалицијата Вреди, Бујар Османи од коалицијата Европски фронт на ДУИ на пето место, Стевчо Јакимовски од ГРОМ е на шесто и Максим Димитриевски од ЗНАМ – За наша Македонија е на седмото место на гласачкото ливче.
Вториот круг на претседателските избори ќе се одржи на 8 мај, заедно со единаесетите парламентарни избори од независноста.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
