Почна да се гради паркот во населбата Карпош во Струмица кој треба да биде на површина од околу 40 илјади квадратни метри i и ќе преставува место за одмор и релаксација наспроти првичната идеја на тааа локација да се гради трговски. Првиот дел од паркот ќе се гради со пари од ЕУ од Програмата за прекугранична соработка со Бугарија за што ќе бидат инвестирани околу 350 илјади евра пари кои граѓаните на Струмица немаат обврски да ги враќат, оти се грант од ЕУ.
,,Првата фаза е 350 илјади евра, грант којшто нема да имаат обврска идните генерации да го враќаат, ние не земаме кредити, напротив, благодарение на стручниот тим од Секторот за ЛЕР и Одделението за меѓународна соработка и европски фондови, добивме грант од 350 илјади евра за ова ругло да го претвориме во зелена оаза со сите содржини коишто можат да ни дадат право ова место да го наречеме парк. Во првата фаза предвидени се пешачките патеки коишто ќе бидат изработени од високо квалитетен травертин за да можат граѓаните и да рекреираат и да пешачат, мал амфитеатар со мултифункционална намена за децата од градинката, но и за сите млади и повозрасни кои своето секојдневие сакаат да го поминуваат токму тука,, кажа градоначалникот на Струмица Костадин Костадинов
Веднаш до парцелата каде што се работи ќе биде и друг дел кој наскоро че треба да отпочне да се работи. Станува збор за дел од паркот кој ќе се гради со пари од УНДП за што граѓаните на Форум на заедница го изгласаа како приоритетен
Станува збор за околу 15 милиони денари со кои ќе одиме не само на раззеленување, туку и кон дигитализација на самите паркови за што веќе разговараме со претставниците на УНДП и ќе имаме смарт клупи, ќе имаме осветлување на соларна енергија што значи нема да биде потрошувач на електрична енергија, ќе имаме и други содржини за дигитална едукација на најмалите и младите луѓе. Сметам дека народот тоа го заслужува, ние ветивме и еве денеска сме сведоци на отпочнување на новиот мега парк во Струмица, наместо новиот трговски центар во Струмица, изјави градоначалникот Костадинов.
Градоначалникот на Струмица најави и нови паркови површини, ветениот Боемски пар на постоечкиот пазар „Чешел“ којшто претставува дополнително раззеленување директно во центарот на урбана Струмица и кај сегашното на диво изградено долно Турско маало по завршувањето на Социјалната населба каде што се градат 118 куќи, ќе има ново раззеленување на површина од околу 30.000 метри квадратни со што се потврдува зелената трансформација на Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
