Во рок од 4 месеци ќе треба конечно да се поврзат населените места Чанаклија и Нова Маала со асфалтен пат. Откако општина Василево обезбеди средства за дореализација на овој патен правец, денес почнаа работите на терен. Ќе се асфалтираат последните 1700 метри од овој патен правец со што конечно ќе се реши проблемот на квалитетно патно поврзување на овие две села од подогражденскиот појас
Градоначалникот на општина Василево Марјан Јанев беше на терен и изврши увид во активности за изградба на локалната патна инфраструктура. Тој изрази надеж дека фирмата изведувач ,,Жикол” на работите ќе го реализира во предвидениот рок со што ќе се реши повеќегодишниот проблем на жителите од овие две населени места
,,Компанијата Жикол е изведувач на градежните работи кои денес започнаа на дел од локалниот пат Чанаклија – Нова Маала во должина од 1 700 метри со што комплетно ќе заврши асфалтирањето на овој четири километарски локален пат а со тоа и поврзувањето со асфалт на жителите од овие две населени места. Вкупниот буџет изнесува околу 15 000 000 денари и истите се обезбедени од Агенцијата за финансиска поддршка во земјоделието и руралниот развој преку Програмата за финансиска поддршка на руралниот развој. Доколку активностите се одвиваат со предвидената динамика изградбата на локалниот пат Чанаклија – Нова Маала теба да завршат за четири месеци,, рече градоначалникот на Василево Марјан Јанев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
