Почна расчистувањето на теренот околу кулата Пирго кај населеното место Мокриево на планината Беласица. Таму стручни лица од Заводот и музеј Струмица ќе пристапат на арехеолошко доистражување на кулата но и конзервација и реставрација на објектот кој треба да даде туристичка валоризација на целиот локалитетот.
Станува збор за доцноантичка кула изградена во периодот меѓу 5 и 6 век која се претпоставува дека била активна и во средниот век во периодот на Цар Самуил. Кулата е со квадратна основа со димензии 10,65 на 10,65 метри. Ѕидовите се со дебелина од 3 метри изградени од огромни камења а дел од основата е поставена на карпа. Нејзината сегашна височинска зачуваност е околу 6 метри.
,, Ќе се досистражува кулата за да се утврди дали има пропратни објекти во непосредна близина. Со истражувањата ќе раководат Душко Цветанов и Зоран Рујак по што ќе почнеме со процесот на конзеравација и реставрација. Конзервацијата ја финансира Општина Ново село откако изминатиов период изработивме основен проект. Целта ни е да го вратиме оргиналниот лик на кулата“, изјави за Дрнка.МК Бранко Ѓоргиев директор на Завод и музеј Струмица
Паралелно со реставрацијата на кулата партерно ќе се уредува и просторот околу неа со цел да стане и туристичка атракција. Од Општината велат дека овој локалитет е доста посетуван преку летниот период и се претпоставува дека на кулата била и набљудувачница на војската на Цар Самуил
,,Пирго е позната локација каде особено на пролет и лето, месноот население и многу гости често прават излети и се организираат настани. Целиот локалитет плени со природнат аубавина, свежината. Реконструкцијата на славната кула Пирго е остварување на идеја на повќе генерации затоа што постоеле повќе иницијативи и петиции од жителите и иселениците од овој крај,, објави Општина Ново село кога почна изработката на проектот.
Пирго е излетничко рекреативен локалитет. Се споменува како една од точките каде се водела битката на Беласица меѓу византиската и војската на Цар Самуил.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
