По кратко боледување почина 54 годишниот Тони Јанев од Струмица кој беше еден од основачите и двигателите за изградба на Македонска православна црква во Холандија. Јанев кој со семејството повеќе од две децении живееше во Утрехт Холандија , контуинирано се залагаше за меѓусебно почитување и негување на семејни вредности низ призмата на нашата Православна вера, надвор од својата татковина. Црквата ,,Свети Стефан“ во Холандија го посочи Јанев како пример за сите кои се надвор од Македонија како со љубов и посветеност се постигнува тоа што се сака во интерес на својот народ.
,, Благодарение на неговата посветеност, труд и љубов кон верата и татковината, нашата заедница доби духовен дом – место каде што се собираме, се молиме и ја чуваме Mакедонската традиција. Тони веруваше дека црквата не е само зграда, туку заедница на луѓе, љубов и надеж. Со својата скромност, добрина и пожртвуваност, тој нè учеше како да бидеме подобри луѓе“ стои во известувањето од Управниот Одбор на Македонската православна црква „Свети Стефан“ во Холандија
Тони Јанев ќе биде погребан во сабота на 21 март во Холандија на гробиштата Daelwijck Floridadreef 11 во Утрехт во 13 часот. Претходно во 10 часот во МПЦ ОА „Свети Стефан“ Утрехт ќе се одржи погребна служба. Македонската заедница во Холандија но и голем број граѓани,пријатели и блиски испратија телеграми со сочувство до сопругата Васка, синот Ристо, снаата Бојана и внуците Василија и Тео.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
