Три млади брачни парови веќе аплицирале за мерката за ослободување од плаќање комуналии за изградба на свој објект за домување. Вака вели првиот човек на Општина Радовиш Љупче Почивалец откако пред половина месец Советот на Општината донесе одлука за ослободување на млади до 35 години од надоместокот за уредување на градежно земјиште под услво на свое име да немаат дом.
Право на аплицирање имаат младите до 35 години кои немат имот, односно објект за домување на свое име. Услов е во наредните десет години не вршат отуѓување односно продажба на домот. Како што ни изјави градоначалникот на Радовиш Љупче Почивалец максималниот износ од кој може да се ослободат младите од плаќање комуналии е 3600 евра.
,, Со донесената одлука се ограничува големината на објектот што се планира да се гради или за кој ќе има ослободување од плаќање комуналии. Максималната површина е до 120 метри квадратни кои сметаме дека се доволни за едно прослено четиричлено семство. Со оглед дека надоместокот за комуналии во Радовиш изнесува околу 30 евра за метар квадратен, тоа значи дека младите ќе бидат ослободени најмногу од 3 600 евра на име комуналии“, вели градоначалникот Љупче Почивалец
Според него, донесената одлука се очекува да ја раздвижи и локалната економија пред се градежништвото но и сите стопански гранки кои се неопходни за изградба на готов дом. Почивалец смета дека ќе се потикне и трговијата на столарија а работа ќе добијат и фирмите чиј фокус е изведба на водовод, канализација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
