Младите радовишани кои планираат да градат куќи ќе бидат ослободени од надоместокот за уредување на градежно земјиште. Ваква одлука донесе Советот на Општина Радовиш на денешната седница. Според донесената одлука младите од Општина Радовиш до 35 години кои ќе одлучат да изградат, доградат или надградат прв дом – нема да плаќаат комуналии. Како што објави првиот човек на Радовиш Љупче Почивалец оваа е едно од клучните ветувања испорачани од локалните избори и кои почнаа да се исполнуваат.
„На седницата на Советот се усвои Предлог-правилник за ослободување од плаќање на надоместок за уредување на градежно земјиште за изградба на објекти за домување во куќи за млади лица до 35 години. Со оваа мерка создаваме реални услови младите да останат, да градат и да ја планираат својата иднина во Радовиш. Ова е уште еден доказ дека кога ветуваме – и остваруваме“, напиша на ФБ градоначалникот на Радовиш Љупче Почивалец
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
