Министерката за труд и социјална политика Јована Тренчевска и првиот човек на општина Гевгелија Андон Сарамандов потпишаа договор за доградба на детската градинка ,,Сончогледи” која се наоѓа на улицата Ристо Јанев во Гевгелија. Со договорот се предвидени правата и обврските на двете страни со кои треба да ја подобрат детската заштита во општина Гевгелија.
За реализација на доградбата на детска градинка „Сончогледи“, од буџетот на министерството за оваа година обезбедени се 49.024.779,00 денари Општина Гевгелија предводена од градоначаллникот Андон Сарамандов треба да ги обезбеди потребните услови за формирање на градилиштето, приклучок за електрична енергија, водовод канализација и греење. Ќе го финансира и партерното уредување со урбана опрема. За таа намена како што објави градоначалникот Сарамандов ќе обезбеди 8 496 009 ден а согласно договорот, градежните работи треба да завршат за 14 месеци.
,,Со овој договор двет страни се согласни заеднички да соработуваат и да делуваат во рамките на своите стратешки определби преку поддршка на активности од јавен интерес за унапредување, промоција и поддршка на полтиките за развој на детската заштита,, објави градоначалникот Сарамандов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
