Пораки за еднаквост, заедништво и инклузија, оти секоја боја е моја, твоја, наша – кажаа членовите на ,,Порака’’

2203

,,Нека се препреки сто, но го можеме ова заедно. Мојата боја е и твоја боја, твојата боја е и наша боја….. ,, Сите сме деца под ова сонце, исто се смееме, радуваме, плачеме, паѓаме, стануваме – нема разлика……

Вакви беа стиховите што ги прочитаа ученици од училиштата ,,Никола Вапцаров’’ и ,,Видое Подгорец’’ од Струмица заедно со децата од ПОУ ,,Климент Охридски’’ од Ново Село,  одбележувајки го меѓународниот Ден на лицата со попреченост што го организираше Центарот за поддршка на лица со интелектуална попреченост ,,Порака’’ од Струмица

Преку мотото ,,Моја-Твоја-Наша боја!’’ – Центарот за поддршка на лицата со интелектуална попреченост упатија порака, дека сите имаат право на образование, здравство, социјала без разлика какви се. Апелираа за прифаќање на различностите и нивна инклузија во општеството оти секој тоа го заслужува и не смее да има бариери.

На хуманитарната манифестација беа претставени боенките кои ги изработија членовите на Центарот ,,Порака’’ во соработка со стручни тимови што беа поделени на сите првооделеци во училиштата во Струмица. Беа понудени и новогодишно божиќни украси од серијата креативни работилници а собраните пари од продажбата на креациите ќе бидат искористени за опремување на Социјалниот Клуб на ,,ПОРАКА’’. Инаку проектот „Моја – твоја – наша боја!“е финасиски помогнат од Општина Струмица.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.

ПОВРЗАНИ СТАТИИПОВЕЌЕ ОД АВТОРОТ