Вечерва поради снег е воведена забрана за сообраќај на тешки моторни возила на патниот правец Берово – Струмица соопшти Автомото сојузот на Македонија АМСМ од каде соопштуваат дека сообраќајот на државните патишта се одвива во зимски услови по влажни коловози.
Информација стаса и од ЈП за Одржување и заштита на магистрални и регионални патишта. Од таму известуваат дека од 20:20 часот се воведува забрана за тешки товарни возила на патниот правец Р1302 Берово – Струмица, поточно од село Двориште до Струмица , пренесе Центарот за управување со кризи.
16.12.2023 12 часот – ЦУК: Вонредна информација за сите лица кои моментно се наоѓаат кај Беровско Езеро – да не тргнуваат да патуваат, а ако имаат потреба од храна и лекови да конактираат на 112 во ЦУК, по што од Општина Берово ќе им достават што им е потребно
Регионалните центри за управување со кризи Берово и Штип во координативна оперативна комуникација преку Секторот за операции и координација известија дека патот Берово-Струмица е во целосен прекин поради врнежите од снег и паднати дрва по патот.
Конкретно, патниот правец Берово-Абланица-Беровско Езеро е во прекин поради паднати дрвја на патот. ДЗС и Полицијата имале координативен состанок во Берово и било одлучено сите лица кои моментно се наоѓаат кај Беровско Езеро да не тргнуваат да патуваат, а ако имаат потреба од храна и лекови да контактираат на 112 и да ги кажат нивните потреби, по што Општина Берово ќе интервенира: преку нивни луѓе да им достават што им е потребно.
Инаку, медиумите, како и ЦУК, УХМР, а и другите служби во државата, ги информираа граѓаните секојдневно за очекуваните врнежи од снег векендов, што е препорачливо да се има предвид при севкупното планирање на викендско патување и престој во убавите планински предели.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
