Општина Гевгелија на својата веб страна ги објави идејните решенија за изработка на проект за подигање Илија Џаџев познат гевгеличанец професор по географија но и музичар. На конкурсопт пристигнаа 2 апликации под шифри „Еклипса“ и „Софија“ , од кои треба да се избере решението за спомен обележјето што Општина Гевгелија треба да го постави пред Народниот театар во Гевгелија. Џаџев кој е роден во 1926 година има завршено Природно-математички факултет, група географија во 1954 година. Работел како професор по географија во гимназијата „Јосиф Јосифовски“ во Гевгелија. Член на „Друштвото на писателите на Македонија“ од 1990 година а во тогашна Југославија беше познати како ,,хаваист“ со илјадниците настапи со хавајската гитара.
Идејното решение за скулптурата на Илија Џаџев под шифра „Еклипса“ е претставено во седечка положба на детаљ од клупа, а инструментот хавајка е поставен над колената во лебдечка положба како постмодернистичко решение. Подножјето има форма на шестар за мерење меридијани или географски растојанија, симболизирајќи ги пасијата на Џаџев за шетање, неговата професија- професор по географија и авантуристички и поетски дух. Портретот е работен од фотографии на коишто Илија Џаџев е на возраст од 25 до 35 години, а фигурата или актот е во минимална издолженост како би се доловила одредена идеализација. Палтото е контролирано разиграно за да се избегне здрвеноста на позата со апстракни потези.
Идејното решение за скулптурата на Илија Џаџев под шифра „Софија“ е претставено во седечка положба на обична клупа. Хавајската гитара е претставена пред него на сопствениот троножец. Облечен е во костум со вратоврска, облека која ја носел на своите концерти. Телото е благо наклонето напред за да се истакне актот на свирење и животната енергија на движењето. Лицето му се смирено и со блага насмевка. Клупата е едноставна како не би се нарушила присутната естетитка. Целокупното идејно решение го претставува неговиот слободен и авантуристички дух, потсетува на убавината на музиката, веселите и ведри амбиенти што ги создавал и спонтаните моменти од животот на Џаџев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
