Општина Дојран ги презентира сите убавини на ова туристичко место тргнувајки од сместувачките капацитети па се до одличната традиционална кујна на туристичкиот саем во Белград – соседна Србија. Штандот на општина Дојран кој беше закупен преку Агенцијата за промоција на туризмот на државата, беше еден од најпосетените пред се поради враќањето на водата во Дојранското езеро и неговите лековити својства и медитеранската клима преку целата година. Како што не информираше градоначалникот на Дојран Анго Ангов, голем број гости го посетиле нивниот штанд пред се интересирајки се за сместувачките капацитети как преку летниот период така и за цела година.
,, Задоволни сме што сме во центарот на вниманието на голем број гости на саемот овде во Белград. Огромен е интересот за апартманското и хотелското сместување во Дорјан за време на летните месеци но и можноста а се посетат културно историски места во околината како попратна понуда. Освен за гостите имавме и голем број интервјуа за повеќе медиуми кои се интересираа за понудата на Дојран,, ни изјави градоначалникот Ангов кој тврди дека на саемот во Белград присуствувале огромен број туристички агенции, кои Дојран и Дојранското езеро ги ставиле во своите понуди за гостите за престојното лето 2019.
Освен за сместувачките капацитети, Дојран на саемот во Белград ги промовирал и традиционалните дојрански рецепти кои исто така предизвикале интерес кај гостите. Тие освен што консумирале, постојано прашувале и за традиционалната дојранска кујна пред се за дојранската риба приготвена на повеќе начини, за слаткото од смокви и киви, за дојранските маслинки но и многуте специјалитети од крап и икра.
Оваа година саемот е под мотото „ Уште каде не сте биле?“ и на него како што јавуваат белградските медиуми има рекорден број учесници од 55 земји со 1.153 излагачи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
