Обиколницата на патот Струмица – Дабиле кој од јули минатата година почна да се гради и треба да стане булеварско решение доби асфалт. Асфалтирањето на ова делница е резултат на притисокот од јавноста која постојано реагираше на социјалните мрежи заради што синоќа градоначалникот Костадинов најави дека блаодарение на донатори ќе се асфалтира а денеска упати благодарност до општествено одговорните компании.
,,Се става асфалт на делницата Струмица – Дабиле со што се решава сообраќајниот метеж.Благодарам до општествено одговорните компании за обезбедената донација за асфалтирање на делницата“, објави градоначалникот Костадинов
Патот Струмица – Дабиле треба да премине во булеварско решение со четири ленти. На раскрсницата кон Сачево треба да има кружен тек. Патот го прави фирмата Жикол за околу 3 милиони и 80 илјади евра. Толку е вредноста на договорот со ЈП Државни патишта. Тендерот за тротари, уличното осветлување, одводнувањето, сигнализацијата на Општина Струмица го доби фирмата Џови компани за 1, 6 милиони евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
