Струмичката полиција ќе ги идентификува сите улични продавачи и лица кои ја попречија нивната акција за сузбивање на нелегалната продажба на текстил во центарот на градот во која учествувале и пазарни инспектори. На социјалните мрежи излезе видео како улични продавачи се во вербална расправија со инспекторите и полицајците а во еден момент насилно ја одземаат запленетата стока од полициското возило и бегаат по булеварот. МВР соопшти дека вчерашната е дел од редовните акции како одлука на локалниот совет за превенција на Струмица . По извршената контрола група на лица успеале од багажникот на полициското возило да земат дел од запленетата стока
,,Во координација со ДПИ се спроведе акција на булевар „Маршал Тито“ во Струмица, при што била одземена текстилна стока од таквите диви продавачи на текстил.Но групата продавачи превзеле дејствија со цел насилно да ја одземат стоката. Секторот за внатрешни работи Струмица презеде мерки за утврдување на идентитетот на сите лица учесници во настанот и против нив ќе биде поднесена кривична пријава поради кривично дело „учество во толпа што ќе спречи службено лице во вршење на службено дејствие“ ,, соопшти СВР Струмица
СВР Струмица во координација со Држвен пазарен инспекторат и во иднина ќе продолжи со контролтие истите со цел санкционирање на нелегални продавачи кои вршат и узурпирање на сообракајни и јавни површини. За првиот месец од контролите беа изречени 20 прекршочни и две кривични пријави на лица кои продавале текстил и зеленчук на сообраќајни и јавни површини
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
