Струмичката полиција заедно со преставници од пазарниот инспекторат денеска направиле координирана акција за откривање на диви продавачи на стока по тротоарите во централното градско подрачје во Струмица. Како што соопшти СВР Струмица во акцијата била одземена поголема количина на земјоделски и прехрамбени производи од нерегистрирани продавачи. Акцијата била по тротоарите околу ТЦ Глобал за што минатата недела реагираа легалните пазарџии барајки од локалните власти да се спречи уличната продажба
,,СВР Струмица ги известува граѓаните дека денес 22.06.2020 година, во заедничка координирана акција со Државниот пазарен инспекторат, во централното градско подрачје во Струмица, поточно на тротоарите пред и позади ГП “Глобал“ одземена е поголема количина земјоделски и прехрамбени производи од страна на нерегистрирани продавачи. Ваквата активност е произлезена од претходно доставената Молба од Здружени продавачи ГП “Глобал“ и одржаниот Локален совет за превенција на општина Струмица. Ваквите координирани активности ќе продолжат и во иднина заедно со надлежнте инспекциски служби,,стои во соопштението од полицијата
Инаку легалните пазарџии минатата недела побара интензивни контроли, бидејки по тротоарите на струмичките улици се почеста е сликата со диви продавачи на зеленчук, овошје, прехрамбени производи, текстил. Се одржа координативен состанок кога беше највено дека ќе зачестат контролите. Тогаш првиот човек на Струмица Коста Јаневски кажа дека во решавање на овој проблем треба да се вклучат повеќе институции се со цел сите оние кои што имаат намера да продаваат тоа да го прават на организирани простори на легален начин како што се зелените пазари во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
