Полицајците при СВР Струмица добија мобилни системи со камери со кои ќе се регистрира однесувањето на лицата кои се предмет на контрола, но и однесувањето на полициските службеници при извршување на своите работни задачи. Станува збор за околу 50 мобилни камери кои се наменети за полициските станици во Струмица, Гевгелија, Радовиш и Валандово и се дел од проектот ,, Мобилен систем за снимање со камери’’ кој беше финансиран од ИЦИТАП програма на Одделот за правда на Владата на Соединетите Американски Држави
Како што соопштија од СВР Струмица овие мобилни системи со камери ќе бидат наменети при контрола на сообраќајот при што ќе се снима целата аудио и видео комуникациија меѓу полицајците и граѓаните кои ќе бидат опрафатени со контролните активности
,,На подрачје на Секторот за внатрешни работи Струмица се доделени околу педесетина мобилни системи со камери, кои ќе ги снимаат активностите при вршење контрола во сообракајот. Со овие системи се снима аудио и видео целата комуникација меѓу полициските службеници и граѓаните опфатени со контролни активности. На овој начин се очекува поголема ефикасност во спроведување на активностите на полицијата и намалување на можните злоупотреби од граѓаните или полициските службеници,, информираа од СВР Струмица
Доделувањето на мобилни системи со камери за повеќе Сектори беше најавено во февруари кога во Петровец од страна на ИЦИТАП програмата на САД, на МВР беа доделени 593 камери за Единиците за безбедност на сообраќајот и Одделот за гранични работи .
Од февруарското доделување на 593 мобилни камери, фото МВР
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
