Здружението на граѓани ,,Полимат 13’’ од Богданци во Домот на културата одржа информативна средба за значењето и заштитата на растението Astragalus physocalyx (Меурест козинец) кое го има во регионот на Богданци а има статус на европски загрозен вид. Станува збор за средба во рамктие на проектот „Зачувување на ендемичните растенија во Македонија“ кое Полимат 13 го спроведува во партнерство со Македонското еколошко друштво а финансиски подржан од Фондот за партнерство за критичен еко систем (CEPF).
Како што беше кажано на средбата, ова растение кое има статус на европски загрозен вид освен во поширокиот опфат а Чурчулум насловен како Богданци го има уште на само две локации и тоа во Бугарија и Турција.
,, Беа претставени досегашните активности кои ПОЛИМАТ 13 ги има реализирано во насока на заштита и промоција на ова растение, како и претставување на активностите кои во иднина ќе се преземат во рамките на проектот кој е со времетраење од три години. Низ овие средби сакаме да ја информираме јавноста но и да споделиме предлози и идеи за поголема промоција и одбележување на растението и подрачјето како значајна природна вреност,, не информираше Надица Маџирова од здружението ,,Полимат 13”
На средба беа присутни заинтересирани граѓани, претставници од општинските училишта и ученици, претставници на институциите и бизнис секторот од општината, претставници на Истражувачко друштво на студенти биолози и Македонско еколошко друштво. Една од досегашните препораки за заштита на ова растение е да се прогласи областа за споменик на природата или растението да се добие статус природна реткост.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
