Ирена Малчева средношколка од ДСУ ,,Никола Карев“ Струмица под менторство на професорот Ице Беличев победи на првиот натпревар во уметничко рецитирање ,,Елка Терзиева“ што се одржа во Младинскиот центар во Струмица. Вкупно 20 ученици од трите средни училишта учествуваа на натпреварот и рецитираа песни од повеќе писатели за да се упати порака за користење на литературниот македонски јазик.
Жирито во состав Сузна Мицева, Софија Крстева, Фросина Милева одлучија да доделат две втори награди и тоа на Марија Балдовалиева ученичка од СОУ,, Јане Сандански“ под менторство на професорката Гордана Мучева и Зорица Бисева од СОУ ,,Димитар Влахов“ под менторство на професорката Бранка Ристова.
На натпреварот беа доделени и две трети награди кои ги понесоа ученичките Ивана Трајкова од СОУ ,,Димитар Влахов“ под менторство на професорката Маре Караристова и Елена Ѓеоргиева од СОУ ,,Јане Сандански“ под менторство на професорката Билјана Костадинова.
Натпреварот во уметничко рецитирање го организираше СОУ „Јане Сандански“ во чест на Елка Терзиева која своевремено беше професор по македонски јазик во ова средно училиште и се семташе за поборник за користење и негување на македонскиот литературен јазик.
Фотогалерија овде
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
