Турнирот во мал фудбал вреден 20 илјади евра посветен на фудбалската легенда Благој Истатов влегува во својата завршница. По одигрувањето на осмина финалите мечеви, познати се екипите кои обезбедија четвртфинале и ќе се обидат да стасаат до полуфиналето кое носи парични награди за учесниците.
Вечерва за пласман во полуфиналето играат Андринико и Мојата Панда во 19 часот, додека еден час подоцна се среќаваат Токи Еднокуќево и Алупласт Васил. Утревчер пак за пласман во ТОП 4 екипите играт Кеги Моби Велес и Електик – натпревар кој е закажан во 19 часот додека во 20 часот Еко Инженеринг се соочува со Гостилница Кај Џек. Пред овие мечеви се играат полуфиналните дуели од јуниорска конкуренција
На турнирот во мал фудбал во чест на Истатов учествуваа вкупно 24 екипи . Победникот на турнирот ќе добие награда од речиси 10 илјади евра или 600 илјади денари . Второпласираниот состав ќе освои 300 илјади , третопласираната 100 илјади а поразената во малото финале утешна награда од 50 илјади денари. Награди се планирани и за најдобриот играч, стрелец и голман.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
