Еко активисти и жители на струмичко реагираат на честото палење и чадот кој излегува од депонијата во непосредена близина на општинскиот центар Босилово. Таа неколку дена беше опожарена заради што интервенираа струмичките пожарникари. Се претпоставува дека намерно се пали депонијата од неколку декари бидејки на едно место ќе се изгаснела а после неколку часа пожар ќе се појави на друга локација од оградената депонија што се наоѓа меѓу селата Босилово и Радово.
,, Мора да се најде решение. Веќе цела недела страшно мириса од тоа што гори таму. Итно да се најдат контролори кои ќе ја чуваат депонијата од несовесни граѓани кои ја потпалуваат депонијата. Таму веќе има цели ридови од отпад. Ќе мора да се превземе нешто оти вака само се гушиме“, реагираат жителите од Босилово
Станува збор за нестандардна депонија каде се депонира комуналниот отпад од домаќинствата на Општина Босилово каде преку комуналното се врши организирано собирање. Се наоѓа на самиот локалент Босилово Радово и често таму влегуваат собирачи на железо, пластика.
,, Веќе неколку дена се пали депонијата во Босилово и тоа постојано на различни локации. Мислам дека сето тоа е намерно зато што пожарот започнува нон стоп на нова локација на депонијата. Информирани се МВР и инспекциските служби“, изјави градоначалникот на Босилово Ристо Манчев
Од ТППЕ Струмица соопштија дека на депонијата во Босилово интервенирале во повеќе наврати. Вчера повеќе од 12 часа гаснеле бидејки на секое заминување повторно добивале повик.
,,Исфрелни се околу 60 тони вода но гаснењето на пожари на вакви локации е доста комплицирано поради специфичноста на депонијата и натрупаниот отпад“, соопштија од ТППЕ Струмица
Во моментов пожарот е изгаснат и таму вработени на комуналното „Огражден„ од Босилово патролираат и дежураат со цел да се изгаснат и последните жаришта и да се спречат нови пожари на депонијата. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
