Пожарот кој беснеше деновиве кај Николич воопшто не го допре манастирот Св.Петка кој се наоѓа на стотина метри над селото. Станува збор за место каде во 1994 година е подигнат манастир со верување дека помага против повеќе болести. Веста ја објави заменик диркеторот на ЈП Македонски шуми – Кире Михаилов кој со видео го презентираше опожарениот појас околу манастирот, но не и објектот на ова свето место и дрвените клупи кои служат за одмор на верниците.
,, Кога огнот тргна од кај фабриката нагоре, овде никој не гасеше. Гледате дека пламените јазици се биле високи но како што гледате овој дел воопшто не е чепнат. Овде е зеленило. Околу манастирот е се изгорено а до него има и дрвени клупи, но сето оваа овде е негибнато,, објаснува во видеото заменик директорот Михаилов.
Како што објавија од ФБ групата на селото Николич манастирот е изграден на 6.07.1994. Неговата изградба ја потикнала баба Марија Грујичиќ (Самарџиева) на која и се сонило дека на тоа место треба да се подигне храм посветен на Св. Петка во кој верниците со верба ќе наоѓаат лек од разни болесите и од неплодност.
Видеото може да го видите ТУКА.
Инаку пожарот над Николич е сеуште активен.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
