Академија Пандев ќе игра во Лигата на Европа! Со денешната победа против прилепчани со 4:0 на Кукуш во Турново, пандевци испишаа клупска историја и по речиси две децении повторно ќе ја впишат Струмица на европската фудбалска карта. На три кола до крајот на првенството, Академија Пандев се позиционира на третата позиција каде има 13 бодови пред Шкупи, место кое носи европски билет
Подвигот е уште поголем ако се знае дека Академијата на Горан Пандев функционира десетина година а пет сезони има свој сениорски состав со кој почна од општинска и стаса до Европска лига. Ова е огромен успех на кој може да позавидат многу фудбалски клубови но како што велат од Академијата тоа е резултат на контуинираната работа, професионалниот пристап, пожртвуваноста и инвестирањето во младинските школи.
,, Посебно сум горд што проектот Академија Пандев ги даде поставените и очекувани резултати. Нашата цел беше да презентираме дека и во Струмица професионално се работи и се вложува во фудбалот. Ова е успех на моите играчи кои дадоа максимум и докажаа дека може да се носат со големи фудбалски имиња и да им пркосат на клубови кои имат огромна фудбалска историја. Секако ова е успех и на нашиот ментор Горан Пандев кој финансиски го издржува овој проект за што изразувам огромна благодарност, бидејки знае дека ова поднебје има квалитет кој само треба да се надгради и претстави не само во земјава туку и во Европа,, ни изјави Југослав Тренчовски кој повеќе од една сезона се наоѓа на кормилото на стручниот штаб на Академија Пандев а изрази благодарност и до Илија Матеничаров, Томе Николов и останатите инволвирани во проектот Академија Пандев
Горан Пандев не смо што инвестира во фудбалскиот клуб кој излегува во Европа, тој гради и современ спортски центар со фудбалски стадион.
„Треба европски терк на работа, а под европски се мисли на постојани вложувања, како во усовршувњето на стручниот штаб, така и во спортската инфраструктура. Го градиме и спортскиот центар. Нашата намера е да градиме квалитетни млади фудбалери и да им ги отвориме широко портите на европскиот фудбал“, кажа Горан Пандев пред две сезони кога Академијата од Втора се пресели во Првата лига а славеше со тогашната генерација а победничкиот пехар го дигна со брат му Сашко и братучед му Томи Пандев, првиот капитен на Академијата вториот тренер на голманите
Академија Пандев освен што ќе излезе во Европа има одлични шанси да го освои и КУПОТ на Македонија. Во финалето ќе игра со Македонија ГП
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
