Деновиве од планината Плачковица беа собрани повеќе од 20 метри кубни отпад оставен и фрлен од несовесни граѓани посебно по првомајскиот празник. Станува збор за акција која ја организираше планинарското друштво ,,Бел Камен’’ заедно со ЈП ,, Плаваја’’ од Радовиш а на која се приклучија и граѓани и организации. Се собираше пластика, хартија, стаклена амбалажа фрлени покрај патот кои води кој излетничките места на ова планина, која изобилува со богата флора и фауна и многу убавини.
,,ЈП “Плаваја” постави садови за собирање на отпад на тие локации, за да не се повтори таа грда слика со расфрлан отпад. Се надеваме дека оваа акција ќе има позитивен ефект врз нашите сограѓани и ќе ги поттикне во иднина да ја чуваат животната средина и преубавата природа на нашата Плачковица,, објавија од радовишкото комунално
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
