Академија Пандев која цела недела се наоѓа на подготовки во Анталија Турција денес одиграла два натпревари. Како што објавија ,,пандевци’’ сенироскиот состав бил поделен на два тима помлади и повозрасни. Младите надежи на Академијата на кои типува стручниот штаб за првиот состав, во комбинација со неколку сениори претпладнево одиграле меч против Коњаспор У18 од Турција при што забележале победа од 3:0.
,,Попладне сениорите одиграа 2-2 со бугарската екипа Септември од Софија. Стрелци на головите беа засилувањата Ндуе Мујеци и Ангел Гранчов. По подолго време настапи и Бојан Најденов кој се враќа од операција на препоните. Следниот натпревар се игра во вторник против екипата на Ротор од Русија’’ објавија од ФК Академија Пандев
Струмичкиот прволигаш идигра пет контролни средби. Најпрво претрпеа пораз од Беласица во Петрич Бугарија, одиграа мирољубиво со Балтика а славеа против српскиот прволигаш Спартак од Суботица. До крајот на ,,престојот’’ во Турција на 4 февруари ќе се сретне со Ротор од Русија, а подготовителните средби ќе бидат заокружени со меч со туркменистанскиот тим Алтин Асир.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
