20 годишната Тина Русева од Струмица која живее во Леверкузен Германија победи на „The voice of Europe“. Таа публиката доби најмногу лајкови – повеќе отколку што добија вкупно сите останати финалисти. Заедно со гласовите од стручното жири таа беше севкупен победник од шестте финалисти.
„Ви благодарам многу, прво затоа што ме поддржавте, лајкувавте, коментиравте, што бевте тука. Исто така му благодарам на жирито што судеше фер. Она што можам да го кажам во овој момент е бидете тоа што сте, верувајте во себе, верувајте во процесот и успехот ќе ве следи“, вели Тина во видеообраќањето до нејзините следбеници.
Тина Русева прво се претстави на „The Voice of Germany“ кон крајот на минатата година. Благодарение на поддршката таа се најде и на ,,The Voice of Europe„ за 2025. Прво успеа да се пласира во ТОП 6 а по 24 часовното гласање таа доби најмногу.
Инаку во интервју за Дрнка.МК портал после одличниот настап на Гласот на Германија, 20 годишната струмичанка ќерка на Верица и Љубе Русеви познати музичари од групите Пицикато и Интервали кажа дека ќе се обиде да ги направи сите македонци горди. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
