,,Запрепастени сме од последниот вандалски чин! Со него поединици само ја докажувааат својата некултура, лично воспитание и непочитување на општествените вредности и средства”. Вака реагираат од ЈП ,,Плаваја” од Радовиш откако утрово во 3 часот беа опожарени нови контејнери во централното градско подрачје, пред стоковната куќа каде пред само две недели, несовесни гражани запалија други контејнери
,, ЈП„Плаваја“ набави пластични контејнери за да се унапреди урбаниот изглед на градот, но за жал тоа не некому му пречи и најверојатно од некои луцидни побуди повеќе сака да гледа купишта на отпад околу искршени контејнери и миризба од течноста која се цади од нив особено во летниот период. Ве известуваме дека во период од две недели повторно на истото место пред стоковната куќа, утринава во 3.00 часот запалени беа и уништени комплетно преостанатите два пластични контејнери,, стои во известувањето на радовишка ,,Плаваја” од каде информираа дека е известена полицијата
Од ова Јавно претпријатие известуваат дека деновиве ќе бидат повлечени пластичните контејнери на чии места ќе бидат псотавени старите и дотраени метални контејнери
,,Бидејќи констатиравме дека сме мета на вандалисти, а особено пластичните контејнери Ве известуваме дека ќе ги повлечеме од сите локации каде се поставени со цел да се заштитиме од понатамошни финансиски штети” информираа од Плаваја
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
