Планинари од Југоистокот денеска од пред споменикот Македонија во градскиот парк во Струмица го почнаа маршот кон Скопје во чест на трагично загинатиот македонски претседател Борис Трајковски. Тие во наредните денови во неколку етапи ќе го пешачат патот долг околу 200 километри за да во среда положат цвеќе на гробот на Трајковски.
,, Се помалку и помалку имаме млади планинари кои сакаат да пешачаат до Скопје. Се надеваме дека догодина ќе има и млади учесници кои пак повеќе ги има на планинарското искачување на врвот Ботра на Беласица висок 1880 метри кој го именувавме во чест на покојниот претседател,, кажа претседателот на ПК „Ентузијаст“ Андон Спасов
Ова е 20 ти по ред планинарски марш. Учествуваат 15 планинари од Струмица, Валандово, Гевгелија, Радовиш и Штип. Речиси сите во поодминати години.
,,Ова ми е осма година по ред како пешачам за Борис Трајковски од Струмица и Скопје. По патот сите не поздравуваат и евоцираме спомени за нашиот претседател. Но за жал нема млади кои сакаат да го продолжат овој марш. Јас имам 69 години и не се жалам“ кажа Лазар Митрев планинар од Валандово
40 тина други планинари од земјава и Бугарија денеска и утре ќе пешачат и по падините на планината Беласица. Тие ќе го искачуваат врвот „Ботра“ кој го носи името на Трајковски висок 1.880 метри. Како што кажа Никола Ристов од Ентузијст заедничкото искачување на овој планински врв планинарите од двете држави ќе упатат порака за Балкан без граници за што се залагаше и претседателот Трајковски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
