Да направиме промена на 19 ти октомври и конечно да се се прекине црнобелата слика во Струмица. Вака истакна носителката на листата за советници во Општина Струмица од партијата Левица Јасмина Пијанманова која со лидерот Димитар Апасиев имаа средби со граѓаните
„Време е да кажеме стоп за бипартизмот што владее веќе 35 години. Време е за нови, борбени луѓе кои ќе покажат дека советник во општинскиот совет значи одговорност, чесност и работа за народот.“кажа Пијанманова
Пијанманова потенцираше дека како советници ќе се борат за имплементација на мерки за почиста животна средина, да се прекине бетонизацијата на градот а посебен акцент ке стават на подобрување на условите за живот по населените места
„Ќе се бориме за хуманизација, а не за бетонизација на градот,“ нагласи Пијанманова, додавајќи дека е потребно повеќе зелени површини и јавни простори достапни за сите граѓани.
Освен во општина Струмица, Левица во струмичкиот регион со советничка листа излезе и во Општина Босилово .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
