Во пресрет на годишнината од смртта на познатиот фолк пејач Гоце Арнаудов, во Струмица се одржа концерт во негова чест . Дваесетина фолк и поп пејачи од земјава ги пееа неговите најголеми хитови. На сцената се појави и неговата ќерка Кристина Аранудова. Таа ја отпеа познатата балада со силни емоции ,,Дали да те побарам“ при што на крајот од настапот се сврте кон банерот со неговиот лик и се поклони.
Полна беше салата при НУЦК Антон Панов во Струмица. Публиката во глас ги пееше неговиге песни а атмосферата кулминираше со хитот,, Дали чекаш стара мајчице“ кога присутните со зпалени светилки од мобилните сами ја пееа а сите естрадни уметници излегоа на сцената и ги подржаа присутните.
Освен Кристина Арнаудова на концертот насловен ,,Струмица се сеќава на Гоце“ настапија и Ленче и Горан Кукиќ, Јордан Митев, Ламбе Алабаковски, Елена Велеска, Миле Кузмановски, Александар Тарабунов, Мартинијан Кириловски, Александра Јанева, Огнен Здравковски, Јоце Панов, Јовче Пандев, Борис Димов, Бока Конга, Боби Сакс како и градскиот хор ,,Распеани струмичани“.
На концертот беа присутни и членовите на потесното семејство на Гоце Арнаудов кој е роден во Струмица на 19 август 1954 година апочина на 6 декември 2011 година. Тој зад себе има над 200 песни претежно хитови и стотина награди по фестивали во земјава и странство. Пет години беше прогласуван за најпопуларна личност на Македонија а во 2000 година на стадионот во Струмица одржа голем концерт со околу 10 илјади посетители
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
