Првиот човек на Општина Ново Село Ѓорѓе Божинов на ФБ објави дека изградбата на пешачко рекреативната патека од Ново село кон Мокриево се гради според предвидената динамика. Станува збор за проект финансиран од Владата на Македонија преку Унгарскиот кредит од првата фаза. Како што објави Божинов на патеката е предивдено да се постават канделабри на соларна енергија, клупи за седење и корпи за отпадови. Паралелно се планира изведба на потпорни ѕидови како и платформа за одмор кај чешмата.
Градоначалникот Божинов најави дека во наредниот период ќе се гради улица во Ново Село, спортска сала во Колешино, метална платформа на Смоларскиот водопад, реставрација на фреските во црквата Св. Константин и Елена во Мокрино но и други проекти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
