Македонската заедница во Швајцарија ќе биде дел од Локалните избори закажани за во недела на 8 март во оваа држава. Во Општина Ешален, на листата на „L’entente Échallens“ непартиско политичко движење, се наоѓаат дури пет Македонци кои се со потекло од Струмица и регионот а со години живеат и работат во Швајцарија. Станува збор за движење од кое е и актуелниот градоначалник на Ешален Серж Борник и ја има власта во оваа мала општина, каде преку МДД „Македонија“ македонската заедница е доста активна.
На листата за советници во Ешалан се наоѓаат Слаѓана Спасов – Пасков која потекнува од Мокрино а живее Иловица, Тони Стојанов од Мокриево, Дејан Златков од Секирник, Ване Јефтимов од Мокрино и Драги Митров од Струмица. Тие како преставници на „L’entente – Échallens“ ја презентираа програмата но и својата визија развој на ова општина барајки ја поддршката од македонската заедница што живее во Ешалан а според сите проценки ги има околу 600 лица со право на глас.
„Овој историски чекор и е од големо значење за Македонците во Швајцарија. Со нивен избор, нашата заедница директно учество во носењето одлуки овде во Ешалан. Се надеваме дека наши членови ќе влезат во Советот со што се отвораат нови врати за идните генерации македонци, охрабрувајќи ги да се вклучат во политичкиот живот и да придонесат кон општественото збогатување на заедницата во која живеат“, објавија од МДД ,,Македонија“ кое е доста активно во општината.
Инаку претседателот на партијата „L’entente“, Клод Метрау присуствуваше на состанокот на МДД ,,Македонија“ во Ешелан каде што зборуваше за важноста и придобивките од учеството на Македонците на претстојните локални избори. Тој истакна дека е корисно Македонците активно да се вклучат во изборниот процес и согласно својата слободна волја, да гласаат за македонските кандидати.
Освен во Општина Ешалан, Македонци се најдоа на листите за советници и во други општини и политички партии. Васе Јованов кој е од Сушица е кандидат за советник во Општина Шаван, Павле Велков кој е родум Босилово е кандидат за советник во Општина Екублан, Бране Трајчевски е кандидат за советник во општината Ивердон, Костадин Стојанов од Сушица кандидат за советник во Општина Белфо. ( В.Трајков /фото ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
