Со добивањето на значката со грбот на општина Струмица, Петар Јанков ја превзеде градоначалничката функција од досегашниот Костадин Костадинов. Јанков се заложи на посветена работа а прва задача ќе му биде скенирање на состојбите во локалните јавни претпријатија
„Овие денови се планирани средби со раководителите и со директорите на јавните претпријатија, за да поразговараме во каква ситуација сме и во кој правец ќе се движиме понатаму“, изјави новиот градоначалник Јанков
Костадинов кој точно четири години ја водеше Општина Струмица на новоизбраниот Јанков му посака успех и автономност во одлучувањето. Кажа дека му остава и проекти кои треба да се реализираат со пари од централнито буџет
„Денеска во мое лично име сакам да честитам на мојот политички наследник, Петар Јанков, и да му посакам плоден и успешен мандат, многу храброст, истрајност и, најважно од сè, трпение и автономност во одлуките кои, верувам, ќе бидат за доброто на сите во нашата Струмица“, рече Костадинов.
Денеска беа доделени и Уверенијата за новоизбраните членови на Советот. Таму мнозинството ќе го има ВМРО ДПМНЕ со 13 мандат, 8 ќе има СДСМ и по еден ЗНАМ и Левица. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
