До средината на април се очекува да заврши реконструкција на Градскиот парк во Нов Дојран кое преставува култно место за дојранчани или како што наведуваат симбол на младоста. Со реконструкцијата овој дел ќе добие ново осветлување, нови детски играчки, урбана опрема и хотриткултурно уредување. Како што вели градоначалникот на Дојран Анго Ангов паркот во Нов Дојран како симбол на младоста на многу генерации има испишано безброј спомени кои се чуваат и прераскажуваат.
,,Токму овој парк е симбол на младоста на многу генерации, во него се создадени безброј спомени кои со задоволство ги чуваме и прераскажуваме. Трансформацијата на градскиот парк ќе вклучи нови градски светла кои ќе ги разубават нашите вечери, нови детски играчки кои ќе го исполнат воздухот со радост, урбана опрема и хортикултурно уредување во кое сите ќе уживаме,, напиша градоначалникот на Дојран Анго Ангов кој подвлече дека зафатот е повеќе од реконструкција односно дека тоа е повторно раѓање на местото кое ја претставува душата на Нов Дојран
Според него, жителите на Нов Дојран заслужуваат место каде ќе се случуваат прекрасни културни настани, место за дружба, забава и уживање. (M.K)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
