Учениците од ООУ ,,Гоце Делчев“ од Василево одлучија средствата собрани од Новогодишниот мјузикл што го организираа и реализираа да бидат донирани за лекување на својот сограѓанин Наце Ристов од Едрениково. Станува збор за настан кој учениците со своите наставници го спремаа цели два месеци а го изведоа во пресрет на Нова година во спортската сала во Василево. Над 600 посетители го следеа мјузиклот а парите собрани од продажбата на влезниците ученичкиот парламент одлучи да бидат насочени за Ристов на кој му се потребни за лекување во Турција.
Со ова учениците од ООУ „Гоце Делчев“ ја потврдија уште еднаш својата хуманост притоа презентирајки ги своите вештини и таленти, надвор од училишните клупи. Тие на мјузиклот се преставија со мултимедијално видео за хуманоста а имаа свои музички и драмски точки, рецитали, танцови точки. Настапи и хорот и оркестарот при училиштето и сето тоа искомбинирано со многу позитивна енергија и празнична атмосфера.
Овој мјузикл освен шти имаше хуманитарен настан беше проследен и со богата лотарија при што беа доделени и неколку вредни награди за посетителите во спортската сала Парк. Целиот настан беше осмислем од страна на наставниците Марија Вучкова, Александар Тимов, Фросина Андонова, Иванчо Костов, Слаџана тимова и Јосиф Христов кои работеа со децата за да презентираат пранзична магија но и да покажат хуманост преку мјузиклот.
Средства за лекување на Наце Ристов денеска додели и Општина Василево. Градоначалникот на Василево Славе Андонов денеска го потпиша решението за помош и подвлече дека во наредниот период во консултации со семејството ќе предложи на Советот да донесе Одлука за доделување дополнителна помош. Моментот на хуманост и солидарност е тој кој го обединува народот за миг.На младиот Наце му посакувам да успее во борбата!, напиша градоначалникот Андонов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
