Струмичкиот женски фудбалски прволигаш ,,Тиверија’’ потпиша професионални договори со Викторија Панчурова и Теодора Димоска. Со ова стана првиот македонски фудбалски клуб што им носи професионален статус на домашни фудбалерки, кои ќе се водат како професионални фудбалерки во ЖФК ,,Тиверија”.
Паралелно со тоа ова им се и први професионални договори на голманката Викторија Панчурова која е од Струмица и ги брани боите на македонската репрезентација како и за најдобриот стрелец на ЖФК Тиверија Теодора Димоска. Димоска е од Македонски Брод но ,,новопечена” струмичанка која во дресот на Тиверија има постигнато 220 голови. Од клубот најавија дека ќе следуваат и нови професионални договори со домашни фудбалерки.
,,ЖФК Тиверија Струмица е клуб кој инвестира во развојот на своите фудбалерки. Доказ за тоа се и професионалните договори на Викторија и Теодора кои ќе бидат првите домашни фудбалерки во Македонија со Професионален статус.ЖФК Тиверија Струмица е клуб кој се бори за правата на жените и девојките во спортот и смета дека фудбалерките треба да имаат статус на вработени доколку сакаме истите тие максимално да се посвет на фудбалот,, ни изјави претседателката на клубот Александра Терзиски.
ЖФК ,,Тиверија” есенската полуетапа ја заврши на втората позиција. Пролетва ќе се обиде да го престигне лидерот Љуботен за што интензивно се подготвуваат на својот терен. Првенството продолжува при крајот на февруари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
