Основачот на ФК Академија Пандев Горан Пандев смета дека партнерството со Брера најавено пред два дена ќе овозможи клубот да ги исполни амбциите но и неговиот сон ФК Академија Пандев да стане македонски првак. Тој ова го изјави за италијанските а го пренесоа македонските медиуми
„Многу брзо откако Брера ме контактираше за Академија Пандев, јас реков „да“. Тоа е фасцинантен проект од две причини. Прво затоа што Милано е градот кој ме прими како дете и сега чувствувам дека нешто му враќам. Второ затоа што Брера ќе ми помогне да го остварам сонот, да бидам македонски првак и да играме групи во Лига Европа“, изјави Пандев за италијанските медиуми.
Македонската легенда Горан Пандев, икона и на Калчото со своите безмалку 500 настапи и над сто голови, како газда на Академија Пандев неодамна потпиша партнерски договор со италијанскиот тим од Милано, Брера, по што струмичани најавија една нова ера во која главна цел ќе биде – шампионската титула.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
