Есенскиот вицешампион Академија Пандев на чело со Ѓорѓи Стојчев ги започна подготовките за пролетниот дел од прволигашкиот шампионат. По заминувањето на Васоски во ФК Сараево, младиот Стојчев ќе го предводи тимот на ,,пандевци’’ во подготвителниот период, кој денеска го имаше првиот тренинг на СРЦ Пандев во Струмица. Како што ни изјави Стојчев, сениорскиот состав формата за пролетниот дел ќе ја темпираат во три фази
,,По заминувањето на Васоски и целиот стручен штаб, управата ми ја даде довербата јас да го водам сенироскиот состав. Првата фаза ќе ја реализираме на спротскиот центар овде во Струмица кои ќе траат до 20 јануари по што заминуваме во Анталија Турција а третата фаза после први февруари ќе биде овде во Струмица. Планирани се се околу 6 контролки кои веќе се договорени, како овде така и во Анталија. Се надевам дека ќе ја темпираме формата според нашите очекувања,, ни изјави Стојчев
Наши информации говорат дека Стојчев најверојатно ќе остане прв тренер на сениорскиот состав. Тој досега беше помошник и како што ни изјави нема да го одбие предизвикот даден од Горан Пандев доколку биде понудено. Тој верува дека и пролетва пандевци ќе бидат хит а не се исклучува можноста да се нападне и лидерот Шкупи
,,Одговорноста да се биде прв тренер на Академија Пандев е огромна. Станува збор за квалитетна екипа а јас сум млад тренер. Не се одбива зборот на Горан Пандев и сметам дека може да одговорам на предизвикот да се биде на чело на стручниот штаб. Верувам дека и пролетва пандевци ќе бидат хит. Ќе се бориме до крај на првенството сакаме шампионска титула, но нема да ја испуштиме шансата за излез во Европа,, вели Стојчев кој може да биде и шеф на стручниот штаб на ФК Академија Пандев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
