Академија Пандев забележа победа против тетовска Шкендија со 4:2 во дербито од 31 коло од Првата фудбалска лига и си ја отвори вратата кон фудбалска Европа. Со новите три бода сега тие се на втората позиција и со победа над Работнички веќе во недела на свој терен, ќе ги зголемат шансите за втората и третата позиција кои носат излез на европската сцена.
Пандевци победата ја најавија уште во 2 минута кога Фарук Бихорац успеа да го матира Захов. 20 минути подоцна по фаулот над Митревски, судијата досуди пенал за струмичани кои го реализираше Томислав Илиев и зголемни на 2:0. Шкендија успеа да намали во судиското надополнување од првото полувреме кога по корнерот на Дориев, Јан Кирвак постигна гол ( 2:1).
Во второто полувреме Шкендија ја засили играта, но Кривак во 64 минута направи грешка откако во казнетиот простор во желба да не се досуди прекин на играта, го повлече за дрес паднатиот Ангелов да стане, што беше повод судијата да досуди уште еден пенал за струмичани а го реализираше повторно Илиев. Резервистот Пепи Ѓеоргиев зголеми на 4:1 откако со глава го казни Захов кој предвреме истрча од својот гол а конечните 4:2 ги постави Гури од пенал откако Бигорац направи прекршок во шеснаесетникот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
