Фудбалерите на Академија Пандев во недела на стадионот ,,Благој Истатов’’ во Струмица ја пречекуваат тетовска Шкендија, со што го почнуваат пролетниот поход за висок пласман како во првенството така и во Купот ова сезона. Тие на спротскиот комплекс ,,Пандев’’ ги одработуваа последните тренинзи пред неделниот меч кој ќе биде показател колку избраниците на Тренчовски се подготвени за да го повторат ланскиот успех, кога во Струмица ја донесоа КУП титулата
,, Шкендија е незгоден противник. Го задржаа костурот но донесоа неколку имиња со што тие се наметнуваат како фаворити во мечот. Ги гледавме во Анталија и мислам дека се противник за респект. Сметам дека максимално сме подготвени. Од нашиот тим 4 играчи заминаа а 5 донесовме кои добро се вклопија во составот. Жалам што во недела не ќе можам да сметам на Томислав Илиев и Милан Басрак кои се жалат на повреди,, ни изјави Југослав Тренчовски кој ги повика во недела на стадионот Истатов во Струмица сите лубители на фудбалот да ги следат и дадат подршка во нивните амбиции за висок пласман и ова сезона.
Тренчовски смета дека токму во недела ќе го виде исходот од 40 дневните подготовки во кои забележаа три пораза исто толку нерешени исхода и две победи. Против Шкендија ќе ги има на располагање дел од играчите кои во есенскиот дел паузираа поради повреди. Според него главна цел на Академијата е да собере што е можно повеќе бодови, бидејки со исклучок на Вардар и Шкендија сите останати прволигаши се подеднакво квалитетни.
,, Наша цел е да освојуваме што е можно повеќе поени за мирен тек во првенството во поглед на опстанокот. Секако дека нема да се откажеме за висок пласман во првенството и Купот.Знаеме дека сме блиску до челните позиции и имаме релативно лесен противник во четвртфиналето,, кажа Тренчовски
Академија Пандев ова 2020 та преку ваучер системот има шанса да обезбеди околу 9 милиони денари што преставува убава можност за далеку поголеми резултати
,, Сакам да изразам благодараност до луѓето што го водат ваучерскиот систем. Во нашето 10 годишно постоење ова е првпат да добиеме посериозна шанса за финансиски прилив. Конечно и распределбата е професионална и на правилно ниво со оглед на нашите успеси и организациската поставеност. Ова е сатисфикација и основа за поголема работа не само за Академијата туку и за сите спортски екипи,, рече Тренчовски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
