Фудбалерите на Академија Пандев утре ги стартуват подготовките за пролетниот дел од првенството и имаат намера да останат во трката за висок пласман и нов излез во фудбалска Европа. Според информациите од стручниот штаб на клубот, првата фаза од подготовките ќе се реализираат во Струмица по што фудбалерите заминуваат на подготовки во Анталија Турција.
,, До 24 јануари ќе работиме во Струмица а потоа до 7 февруари ќе бидеме во Анталија Турција каде имаме закажано шест меѓународни натпревари. Спогодбено ги раскинавме договорите со Рајковиќ и Маслач. Го донесовме бугарскиот централен дефанзивец Ангел Грнчаров, но периодов планираме да ја зголемиме конкуренцијата во сите три лини, односно да донесеме нови играчи,, ни изјави шефот на стручниот штаб Југослав Тренчовски кој е делумно задоволен од есенскиот дел на првенството.
Струмичкиот прволигаш ,,Академија Пандев’’ првата полуетапа ја заврши на третата позиција со ист број бодови како Силекс. Оствари 7 победи, одигра 6 меча нерешено а претрпе 5 порази. На своето конто има 27 бода, 9 помалку од Вардар и еден од Шкендија. Првенството добро го почнаа но во финишот потфрлија.
,,Сето тоа се должи на повредите на клучните играчи. Почнувајки од вториот меч со Борец, во тимот на секој натпревар недостасуваа од 4 до 5 играчи. Сите повреди беа од механичка природа, но морам да признаам дека и раниот старт на подготовките за нашето европско деби си го стори своето. Имавме одмор само 10-тина дена, по завршувањето на ланската сезона,, вели Тренчовски
,,Академија Пандев’’ од ФФМ беше прогласена за најдбора фер плеј екипа за последната фудбалска сезона а Тренчовски го доби признанието најдобар тренер. Убеден е дека ,,пандевци’’ во овој состав, може повторно да биде во врвот на мак фудбалот и по втор пат да биде во Европа.
,,Морам да нагласам дека во престојната полусезона, повторно ќе се обидеме да атакуваме на позициите на табелата кои водат во Европа и ќе се обидеме да стигнеме колку што може подалеку во националниот Куп. Овој тим на Академија Пандев убеден сум дека го може тоа. Единствено што ни преостанува е максимални квалитетни подготовки и психолошка стабилност, која ќе го врати препознатливиот стил на игра на ФК Академија Пандев,, изјави за Дрнка.Мк Југослав Тренчовски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
