Фудбалерите на Академија Пандев славеа победа во третото соочување со Беласица и се на чекор до обезбедување опстанок во елитата и следната сезона. Потребна им е победа и против Борец во последното коло за да и следната сезона имаат прволигашки статус.
На стадионот Благој Истатов славеа со 2:0. Игор Пановски уште во втората минута го отвори резултатот по одлично изведениот корнер од Велиновски. На 2:0 зголеми Марио Крстовски од пенал во 14 тата минута откако во забранетиот простор имаше игра со рака. Беласица се закани преку Демир и Калпачки но немаше реализација
Со новите три бода Академија Пандев е на 8 позиција со 38 бода и со победа на Борец кој и официјално ќе го осигура прволигашкиот статус. За разлика од Академија Пандев, Беласица следната сезона се сели во Втората лига.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
