Фудбалерите на Академија Пандев со победа од 6:1 против скопски Вардар го промовираа теренот на спортскиот центар ,,Пандев,, во Струмица кој е во завршна фаза. Во меч во кој се играше две полувремиња од по 60 минути, избраниците на Југослав Тренчовски одиграа далеку подобро и поофанзивно и по првото полувреме, веќе имаа водство од 3-1, додека во второто беа уште поубедливи и без примен гол стигнаа до конечни 6-1. Мрежата на вардарци ја затресија двапати Дориев, Трајановски, Иванов, Велинов и Николов. Единствениот гол за Вардар го постигна Манев.
За двата тима ова беше последниот тест натпревар во пресрет на пролетните предизвици од Првата македонска фудбалска лига. Академија Пандев кој есенскиот дел од првенството го заврши на третото место, во недела пред своите гледачи на стадионот Кукуш ќе го пречека тимот на Македонија ЃП. Вардар пак како второпласиран стартува со големото дерби против тетовска Шкендија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
