Академија Пандев не успеа да извлече поволен резултат во дуелот со лидерот на прволигашката табела – тетовска Шкендија. Струмичани играа, комбицнираа, креираа акции но не ја затресоа мрежата на струмичанецот Захов чуварот на мрежата на Шкендија, додека тетовчани од навидум мирна акција во второто полувреме преку Елези дојдоа до гол што им донесе три бода и промоција како есенски прваци
Академија Пандев грчевито го почна мечот на СРЦ Пандев но со тек на времето или само по 20 тина минути се разигра и беше постојано на половината на Шкендија која мораше да се брани. Но попусти беа обидите на струмичани за притисок кои не го најдоа вистинкиот пат до голот на Захов. Во второто полувреме тетовци се отворија и тргнаа поофанзивно. Во 53 минута Шкендија ја искористи грешката во одбраната на струмичани и по асистенција на Незири по десната страна, Елези го матираше Алчовски
До крајот на средбата струмичани повторно притиснаа но немаа завршница ниту па среќа да дојдат до израмнување на резултатот. Со ова победа, Шкендија есенскиот дел од шампионатот ќе го заврши како прва, додека Академија Пандев остана на дното од прволигашката табела односно падна на 11 место. Следното коло последно во есенскиот дел од Шампионатот, пандевци му гостуваат на Силекс во Кратово.
Пораз претрпе и струмичка Беласица која загуби нагости кај битолски Пелистер со 1:0 и останаа како фенерџија во проволигашкото друштво. Следното коло или во среда на Благој Истатов, струмичките сино бели го пречекуваат тимот на Вардар од Скопје со што ќе се заокружи есенската полуетапа од прволигашкото првенство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
