Прволигашот Академија Пандев заминува за Анталија – Турција каде ќе биде на двонеделни подготовки за пролетниот дел од првенството. Таму треба да продолжи со темпирање на формата за вториот дел од сезоната, во која пандевци треба да го обезбедат прволигашкиот статус и да ја ,,нападнат’’ и освојат КУП титулата. Од таа причина Академијата на Горан Пандев, го донесе Александар Васоски на позицијата шеф на стручен штаб но и неколку засилувања со кои треба да се одговори на пролетниот предизвик од фудбалскиот шампионат.
Според информациите на Дрнка.МК, за Анталија заминува експедиција од околу 40 члена, фудбалери стручен штаб но и членови на управата каде веќе се договорени силни пријателски мечеви со екипи прволигаши. На 24 јануари силите ќе ги одмерат со косовскиот првoлигаш Арберија додека четири дена подоцина пандевци ќе играат со тимот на суперлигашот Лвив од Украина. Според прогамата на 1 февруари струмичани можно е силите да ги одмерат со Црвена Ѕвезда од Србија за што се договара терминот, додека на втори февруари пандевци ќе играат со прволигашот Оболон од Киев Украинa
Инаку на подготовките во Анталија, на струмичкиот прволигаш Академија Пандев ќе се приклучи и младинскиот репрезентативец Бесник Ферати кој склучи договор на две години со пандевци. Станува збор за поранешен играч на Шкендија а во Академијата доаѓа од Партизани Тирана.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
