Како што и најавија, веднаш по Божиќ, пандевци ги почнаа подготовките за пролетниот дел од Шампионатот во кој главна и приоритетна цел им е обезбедување на опстанок во фудбалската елита но и за освојување на КУП титулата. На првата прозивика од страна на новиот стратег Александар Васоски, присуствуваа сите фудбалери вклучително и новите засилувања голманот Марко Јовановски, дефанзивецот Коста Манев и крилниот напаѓач Николче Шаркоски.
Според најавите од клубот, подготовките ќе се реализираат во три фази. Првата ќе се реализира во Струмица на СРЦ Пандев до 20 јануари. Втората се планира да се реализира во Анталија – Турција каде ќе бидат 14 дена со неколку контролни средби а во третата фаза, до почнување на пролетната полуетапа повторно ќе бидат во Струмица со акцент на одигрување пријателски мечеви
,, Прв приоритет ни е да обезбедиме опстанок да бидеме на средината на табелата а како втор приоритет ќе ми биде да го освоиме КУПОТ и да излеземе во Европа а веќе од следната сезона да направиме добар тим кој ќе атакува и на Шампионска титула. Токму за ова се договорив и со Горан Пандев,, рече за Дрнка.МК при превземањето на кормилото на пандевци на 25 декември – Александар Васоски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
